Ég er björn,

...kærleiksbjörn !

....aaaawwww.... Góðir tímar.

Vakna á laugardögum, skella kókópöffsi í skál og horfa á barnatímann. ......og skríða svo aftur uppí rúm í smá stund í viðbót þegar barnatíminn var búinn og kúra.

Alveg yndislegt !

Mér þótti líka... já og þykir enn, svo gaman að teikna. Tók kast einhvern tímann og teiknaði bara fuglahræður og flamengo-fugla. Svo var ég líka hugfangin af því að teikna Hitler...

Ég var líka ótrúlega smámunasöm og með talsverða fullkomnunaráráttu, tók um leið eftir því ef hinn minnsti hlutur hafði verið færður úr stað í herberginu mínu... meiraðsegja ef um nokkra sentimetra var að ræða. Og ég get sagt ykkur að þegar þetta gerðist þá leið mér einsog herbergið væri í RÚST !

Næst á eftir myndlistinni var mín eftirlætis frístundaiðkun að bregða litlu systir. Jeminn, hvað það var gaman. Hún varð líka alltaf svo óóóóógeðslega hrædd.

Ég vil meina að þessi uppátæki mín hafi hert hana - hún er nefnilega alls megnug í dag. Ef ekki hefði verið fyrir mig væri hún sennilega ógeðslegur lúði með bólur, sem væri hræddur við allt fólk nema vini sína á veraldarvefnum.

En í staðinn varð hún hörkukvendi með fallega húð sem er hrókur alls fagnaðar :-)

Já það er gaman að gera góðverk.. hehehehe....

-Sunna.