...það er Annar í jólum og Annar í páskum....

...í kvöld er Hundraðasti í Rockstar-Supernova.
Það er nú alveg gaman að þessu að vissu leyti. Og ég er búin að fylgjast vel með og hef skemmt mér ágætlega, meiraðsegja fengið gæsahúð nokkrum sinnum yfir flottum atriðum (og auðvitað yfir því hvað Rossi rottan er ógeðsleg).
En ég ætla að vera lélegur Íslendingur og viðurkenna að ég núna er komin með smá leið.

Þetta tekur svo langan tíma. Mig er farið að langa til að sjá Magna túra með "húsbandinu" (hey - hugmynd að nafni fyrir húsbandið : "The Husband").

Ég vil alls ekki að Magni "okkar" vinni og verði fremstur í víglínu Supernova. Mér finnst hann passa miklu betur við hitt bandið.

Einnig finn ég mig knúna til að hrósa drengnum. Hann hefur verið til fyrirmyndar enda jarðbundinn og ljúfur með eindæmum.
Og sjáiði bara hvað hann var sætur krakki :



________________________________________________

Annars hef ég ekki wresget meira að segja.
Hlakka til að klára þessa vakt...
Er þá komin í tveggja daga frí og tengdó ætlar að bjóða okkur skötuhjúunum í leikhús á fimmtudagskvöldið.
Ætlum að sjá "Litlu hryllingsbúðina". Jessssss........

yfir&út
-Sunnzilla.

Tæknin er óvinur minn,

...eins gott að ég er ekki með gangráð ! Því hann væri pottþétt búinn að snúast gegn mér.

Ég ætla að gera enn aðra tilraun í kvöld til setja inn myndir frá sörpræs-teitinu.
Og vil ég biðja mína örfáu en tryggu aðdáendur að senda mér tæknilega jákvæða strauma.

Ef ég ætti vélmenni þá væri ég búin að læsa það inni. Eða hella yfir það lími sem svo myndi leysast upp eftir nokkra daga.
Ég er nefnilega að vona að þessi tæknibölvun mín taki senn enda.

Hin elskulega i-book er með flensu, tölvan mín í vinnunni er allt annað en samvinnuþýð, veraldarvefurinn hefur hvað eftir annað í dag sent mér stórt fokkjú-merki og síminn minn neitar að hlaða sig !!!

Hvað næst ??
Ég þori allavega ekki að nota hraðbanka næstu daga af ótta við að vera bitin eða lemstruð af þeim á einhvern hátt.
__________________________________________________
Veðurfréttir að norðan :
Skítsæmilegt veður hér í dag.
Sólin sá sér fært að gægjast örlítið á Eyfirðinga.
Bólstrarnir eru þó óþarflega stórir og einnig mætti lægja til muna.

...ég er bara sanngjörn... Er ekki að biðja um neitt Kanaríveður.
Vil bara að haustið verði ágætt svo ég geti sofið í tjaldi allavega einusinni á þessu ári !!!
__________________________________________________

Heilsist ykkur,
-Sunna.