Svipmyndir....

...Sunnfríður var að fá nýjan síma, einn af bráðnauðsynlegu aukahlutunum sem í honum eru er myndavél.

Hér koma nokkrar myndir frá mínum æsispennandi vinnustað :-)



Hér er Anfinn - hann þykist eiga betri síma en ég.... það er rangt :


Þetta er Sigfús kraftajötunn :


Hér er Finnur - Baggalútsbróðir :


Þetta er Eiður - hann er í átaki :


Kára þykir vænt um Grænland :


Þetta er svo ég - jájá :


Þetta var kvöldmaturinn minn. Ekki voru allir sammála um hversu frábært væri að eta salat :


Nú þetta er auðvitað Dashmundur - hann er flottur. Kallaður "Chicken-legs" á Grænlandi útaf gula hjólabúnaðinum :


Það mega allir öfunda mig af vinnunni minni... hún er skemmtileg - og fólkið er frábært. Ójá ! *væææææææm*

takk & bless,
-S.

Góðan & blessaðan Sunnudag

Við hjúin erum búin að eiga yndislega helgi.
Á föstudaginn var ég að vinna til hálftíu, og þegar ég kom heim biðu mín kertaljós, rauðvínsglas og pakki :-D
Við vitum öll að Sunnfríður elskar pakka, hehe.
Maðurinn minn sá fram á að ég myndi ekki sýna neitt frumkvæði varðandi ólýsanlegu vöðvabólguna sem ég þjáist af.... svo hann tók sig til og keypti gjafakort í nudd hjá Hár & Heilsu, 6 skipti takk fyrir góðan daginn ! ÚÚjjehhhh.

Það var erfitt að vakna á laugardaginn, þrátt fyrir afar skikkanlegan háttatíma. Kúr-factorinn er bara of sterkur stundum :-)
Það var gaman í vinnunni þennan laugardaginn, sem endranær. Ég fékk góða heimsókn frá nýja uppáhalds rauðhausnum mínum - henni Össu, hún færði mér dýrindis kaffibolla - sem hún reyndar hefur gert áður og alltaf er það jafn mikils metið. En koffín er fíkniefni ekki satt ?, ...er Assa þá dílerinn minn ? Ég man eftir and-dóp-herferð sem var einhvern tímann og slagorðið var : "Ef vinur þinn býður þér fíkniefni - þá er hann ekki vinur þinn !" .....Eeeeen Assa er nú samt góður vinur minn, ég fyrirgef henni að gera mig háða koffíni ;-) Svo hefur hún annan kost fyrir utan kaffiburð : hún er afar huguð þegar kemur að háralitun... ég er heigull hinsvegar, Það tekur mig ca. ár að melta breytingarhugmyndir varðandi hárið á mér. Og þessi melta endar yfirleitt með því að ég breyti engu. Þá slæ ég um mig með orðatiltækinu "Afhverju laga eitthvað sem ekki er bilað ?" .......en innst inni dauðlangar mig í tilbreytingu :-)

Í gærkvöldi smelltum við Árni okkur í sveitina og létum renna í pottinn. Það er yndislegt að láta stressið líða úr sér á þann hátt - og extra yndislegt þegar það er þétt snjókoma. Já krakkar - það er allt á kafi í snjó á Akureyri.
Ég vil meina að þetta sé síðasti skammturinn, ....eftir þetta fer að vora. *krossarfingur*

ahh.. góð helgi. Og meiraðsegja ennþá smá eftir af henni.

-Sunna.